Fundación Juana de Vega

A Fundación Juana de Vega dedica os seus esforzos a colaborar na mellora das condicións de vida do ámbito rural galego e no respecto do seu entorno natural, e a promover a formación orientada ás actividades económicas que nel se realizan.

Neste contexto, tendo en conta a dispersión característica das vivendas nos espazos non urbanos do país, o que con demasiada frecuencia está levando á perda de calidade paisaxística e ao abandono das formas e contidos da arquitectura tradicional, a Fundación, a través da Escola Galega da Paisaxe, convoca un premio anual de arquitectura, coa mellor dotación dos que se conceden en Galicia.

Premiarase a mellor vivenda unifamiliar, tanto de nova planta como de rehabilitación, rematada o ano natural anterior en Galicia, segundo o criterio do xurado. éste valorará especialmente a capacidade da obra para converterse nunha referencia social que poida influír favorablemente nos tipos de vivenda que se constrúen no medio non urbano.

A esta oitava convocatoria poderán concursar as vivendas unifamiliares rematadas en Galicia no 2010. A data límite de presentación dos proxectos realizados é o 31 de maio. O importe do premio é de 6.000,00 euros e o xurado poderá conceder ademais dous accesits dotados con 1.500,00 euros cada un.

O Xurado estará formado, nesta edición 2011, por:

• D. Jorge Duarte Vázquez. Decano - Presidente del Colegio Oficial de Arquitectos de Galicia.
• D. Enrique Sáez Ponte. Presidente da Fundación Juana de Vega
• D. Gonzalo Byrne. Arquitecto
• D. Xosé Manuel Casabella López. Director da Escola Técnica Superior de Arquitectura da Universidade da Coruña.
• D. Salvador Fraga Rivas. Arquitecto.
• D. Manuel Caamaño Suárez. Secretario do Padroado do Museo do Pobo Galego.
• D. Xavier Seoane. Escritor.

O fallo do xurado terá lugar no mes de setembro e os traballos premiados serán difundidos mediante a súa publicación.

Lugar de presentación dos traballos.

• Na Sede da Fundación Juana de Vega.
• Nas Delegacións Territoriais do COAG..