Escola galega da paisaxe

• A proposta de María Paz Sangiao para a recuperación do entorno de As Pontes foi seleccionada entre máis de 30 traballos presentados por estudantes de toda España ao premio nacional de Iberflora sobre rexeneración da paisaxe natural.
• Outro alumno do Máster, Gabriel Alarcón Sabarís, resultou galardoado con un accésit ao mellor Proxecto Fin de Carreira tamén na modalidade de rexeneración da paisaxe natural.

Oleiros, 7 de outubro de 2011.- A alumna do Máster en Arquitectura da Paisaxe Juana de Vega, María Paz Sangiao resultou ganadora do Premio Nacional de Iberflora ao mellor Proxecto Fin de Carreira sobre Rexeneración da Paisaxe Natural. O seu traballo, centrado na rexeneración paisaxística de As Pontes, elixírono entre máis de 30 proxectos procedentes de diferentes escolas de enxeñería e arquitectura de toda España.

O Premio Nacional a Proxectos de Fin de Carreira de Xardineria e Paisaxismo de Iberflora, a Feria Internacional de Planta e Flor, Tecnología y Bricojardín, cumple este ano a súa décima edición. A convocatoria está dirixida a estudantes que aprobaran os seus proxectos nos últimos tres cursos académicos, e ten como obxectivo apostar pola formación e a promoción dos novos profesionais que, ano tras ano, finalizan os seus estudos nas Escolas de Paisaxismo de toda España.

O Premio divídese en catro categorías: Xardinería en Paisaxismo en Medio Urbano, Rexeneración da Paisaxe Natural, Xestión e Mantemento de Xardinería Pública e Arquitectura e Paisaxe e se establecen ademais dous accésit en cada unha das modalidades.

O xurado, que componse de profesionais de recoñecido prestixio e catedráticos de proxectos das universidades españolas, elixiu o proxecto de María Paz Sangiao valorando na súa aposta por crear unha paisaxe cultural capaz de contar unha parte importante da historia de As Pontes nun marco de futuro. Lembra a alumna na súa proposta que a explotación da mina de As Pontes desde 1976 ata 2007 transformou radicalmente a paisaxe da zona, marcada polas impoñentes chemineas fumeantes. Unha vez rematada a explotación da mina e tras a extracción de lignito xerouse un oco mineiro de 900 Mm3 . Ata o momento actual, a solución levada a cabo para a súa restauración foi a creación dunha cuberta vexetal na entulleira e a rehabilitación do espazo afectado polo oco mineiro mediante o enchido con auga para a creación dun lago.

Neste contexto a proposta de intervención desenvolvida pola estudante premiada abarca a actuación de 40 hectáreas na península sur do novo lago. Tratase dun punto singular onde o terreo e a vexetación orixinal conviviu coas infraestruturas vinculadas á explotación mineira, como as cintas de transporte, canles para a evacuación, recollida e tratamento da auga, ou as liñas de alta tensión. Estes elementos son testigos directos dun pasado e presente mineiro que lle confiren un carácter en unha personalidade que, en opinión da autora do proxecto, merece ser respectado e integrado neste delicado proceso de transformación. Por tanto, para este ámbito plantéxase un espazo que parte do contacto coa masa de auga para achegarse cara un pasado de formas e estruturas que quedaron ocultas. Lembra a galardoada que trátase dunhas infraestruturas cuxo valor enxeñeril e patrimonial convérteno na oportunidade e no potencial para o mantemento e reforzo do seu carácter e personalidade.

Outro alumno do Máster, Gabriel Alarcón Sabarís, resultou galardoado cun accésit ao mellor Proxecto Fin de Carreira na mesma modalidade, e por un traballo tamén na Mina de As Pontes. Destaca o xurado o enfoque conceptual da proposta como alternativa para a xestión e organización do territorio baseada nunha profunda análise do carácter do lugar. Trátase dunha proposta flexible e dinámica na liña de entender a paisaxe como un proceso, fuxindo de estruturas e normativas ríxidas.

O Máster en Arquitectura da Paisaxe, promóveo e finánciao a Fundación Juana de Vega a través da Escola Galega da Paisaxe, é un título oficial interuniversitario, no que participan as Universidades de A Coruña e Santiago de Compostela. Este programa formativo está dirixido a arquitectos, enxeñeiros agrónomos, enxeñeiros de montes, enxeñeiros de camiños, canais e portos, enxeñeiros de minas, biólogos, xeógrafos e xeólogos, é o único de carácter especializado e de rango universitario que existe en Galicia no ámbito da arquitectura da paisaxe. Para elo, o programa académico abrangue a planificación, a análise o deseño da paisaxe en xeral, así como o que se refire a integración de proxectos de infraestruturas na paisaxe e tamén proxectos específicos de paisaxes urbanos e culturais. Abórdase ademáis a execución e posterior mantemento, xestión, conservación e restauración da paisaxe, tanto pública como privada no medio urbano, rural e forestal.